Чойрын хүү

Сайн уу хонгор минь. Юун түрүүнд тав, зургаан жилийн амьдралд тань сайхнаасаа илүү муу муухай дурсамж үлдээж, зовлонгын амтыг эрт мэдрүүлсэн дээ хүлцэл өчье. Би энэ бүхэнд намайг уучлаасай гэж хүсэхгүй ээ. Уучлалаа гээд тэр цаг хугацаа эргээд ирэхгүй учраас. Би таны өмнө уучлаж болшгүй алдаа хийсэнээ насаараа мартахгүй өөрийгөө шийтгэж амьдарна аа. Чи минь одоо миний хайр гэсэн цаламнаас гараад өөрийнхөө эрх дураар жаргалын гэгээтэй замаар итгэл төгсхөн алх даа. Тэр сайхан залуугын хайр халамжид итгэн ирээдүйгээ үргэлж сайхнаар төсөөлөн амьдараарай. Миний өөрийг тань гэсэн сэтгэл хэзээд унтрахгүйгээр өчүүхэн зүрх, өөрийн минь бодолд үргэлж бадарсан хэвээрээ байх болно оо. Надад өнгөрсөн бүхэн сургамж болон үлдэж, жаргалтай дурсамжуудаараа өөрийгөө тэтгэн амьдарна аа. Баяртай гэж хэлэхэд хүнд байдаг. Гэхдээ нэгэнт ийм болсон амьдралд одоо баяртай, аль сайхан бүхнийг хүсье гэж хэлэх цаг нь болсон бололтой. Холд ч, ойрд ч, хэний ч дэргэд миний бие байх нь хамаагүй. Харин сэтгэлд минь өөрийн тань аль нандин бүхэн үргэлжид үнэтэй, мартагдашгүй дурсамж болон орон зайгаа эзэлсэн хэвээрээ байх болно оо.
Ай Оюунанаа
Алдрай багын аминхан эрдэнэ минь
Адтай насны одтойхон дурлал минь
Аавын гэрт ирээгүй аз жаргалын хэлтэрхий минь баяртай..................  Таныг хүндэтгэсэн : С.Булган