Чойрын хүү

Нэрраццурри буюу Интерчүүдийн мөрөөдөл биелэж 1965 оноос хойш бараа нь харагдаагүй цомыг тэд Португал мэргэжилтэн Жозе Моуриньогийн удирдлаган дор Аваргуудын лигийн 3 дахь түрүүгээ, мөн энэ улиралын 3 дахь цомоо өргөцгөөлөө. Ингэснээр Португал мэргэжилтэн Жозе Моуриньо 2004 онд Португалийн Порту клубын хамтаар Аваргуудын Лигийн аврага хэмээх эрхэм хүндтэй цолыг хүртэж байсан бол Аваргуудын лигт 2 өөр клуб удирдан аварга болсон түүхэн амжилтыг давтлаа. Байерн Мюнхенээс эл тоглолтон дээр гайхалтай гялалзаж байсан тоглогч бол яахын аргагүй А.Роббен байлаа. Интерийн топ хамгаалалтын шугамыг сэтлэх гэж маш шаргуу хөдөлмөрлөхөд нь багийн ахлагч Ф.Лам туслаж байлаа. Гэвч эл удаа аваргын цом тэдэнд бус Сери А-гийн тэргүүн багийнх болох естой байж. Аргентины довтлогч Д.Милито энэ үдэш гайхалтай байж double хийж Интэрчүүдийн магнайг тэнийлгэн Жозе Моуриньог баярлуулж мөн өөрийн карьер дахь гайхалтай торгон агшинуудыг бүтээлээ. 43 дахь минутад У.Шнайдерийн гайхалтай ухаалаг дамжуулалтыг өөрийн чадварыг харуулан гоолын салхийг хагалж тэргүүллийг олж авчирсан болно. Мөн 70 дахь минутад мөн л өөрийн ур чадвараа дахин харуулж Байерн Мюнхен багын төвийн хамгаалагч В.Бюйтэнийг унаж тустал хууран тоглолтын эцсийн цэгийг тавьсан гоолыг Байерны хаалганд шигтэгсэн юм. Ийнхүү Английн шүүгч Ховард Вэб шүгэл үлээснээр Интер клуб 2009-2010 оны Аваргуудын Лигийн аврага боллоо.