Чойрын хүү

Дөнгөж сая би түүнтэйгээ ярилаа. Тэр маань надтай ижил сонирхолтой бүсгүй л дээ. Сагсан бөмбөг муугүй тоглочихно. Их сургуульд сурч байх үедээ бид хоёр ижил медаль авдаг байлаа. Манай багийг аварга авах үед тэдний баг ч аварга болж, мултарах үед цугтаа мултарч, хүрэл медалаа голон зогсоцгоодогсон. Тэр цаг үе сайхан байж дээ. Би сая найз нар дуудахаар нь зааланд тоглох гээд гарахдаа ярихад тэр маань бас ажлынхантайгаа зааланд тоглох гэж байна гэлээ. Сая тоглож дуусаад орж ирээд ярихад сайхан тоглосон болсонгүй ажлынхан гар бөмбөг тоглоод сагс тоглох хүн байсангүй гэж байна. Энэ ч хэцүү л дээ. Манай ажлынхан бас байнга волейбол тоглоод надтай тоглох хүн байдаггүй юм. Тэгээд би гэдэг хүн чинь волейболд овоо гаршиж байна. За  хадуураад баахан зүйл биччихлээ. Оюутан байхад тэр маань тэмцээн болгон дээр ирж манай найз нартаа цуг манай багийг дэмждэг байж билээ. Бид хэд МУИС-н аваргаар манай хүний хийж ирсэн цуйванг одоо иднэ тоглож дуусаад иднэ гэж маргалдсаар байгаад цуйвангаа идчээд чихэлдсэн хүмүүс хожигдож билээ хэхэхэ. Түүнийхээ багийн тоглолтыг ихэвчлэн би шүүдэг байж билээ. Эсрэг баг нь их гомдолтой дургүйхэн байдаг байсан ч юм яридаггүй сэн. Манай хуулийн сургуулийн тэмцээн сайхан болдог байж билээ. Манай Мазаалай баг сайхан баг шүү. Бид 5 хэзээ ч багтаа хүн нэмж аваагүй. 5-аас 3 нь бэртээд л тоглож байж билээ. Түүнийхээ талаар ярих гэж байгаад багийн анд нараа саначлаа. Би түүнийгээ ямар санаж, үгүйлж байна бэ. Бушуухан дулаарч зун болоосой. Ажлын цаг, зав чөлөө гарахгүй юм даа. Сайхан бүхнийг зүүдлэн, гэрэлтэй бүхнийг төсөөлөн мөрөөдөөд сайхан амардаа чи минь. Хайртай дуртай гэх үгсийг үнэ цэнийг нь алдтал би хэлэхгүй ээ. Чи миний чамдаа зориулан бичсэн шүлгүүдээс хамгийн дуртай мөртүүдийн нэг нь болох 4 мөртийг чамдаа уншиж өгөн чамайгаа орчлонт ертөнцтэй цуг бүүвэйлэнхэн амраая даа. Чи минь намайг яг одоо хэлэх үгийг мэдэрч байгаа..........................................................Би чамд ингэж л хэлнэ. Өглөөн тунгалагхан нар цэвэрхэн агаараар өөдрөг ирээдүйгээ харан хоюулаа хамтдаа алхахсан. Баяртай амрагхан минь.
Шүлгийн шивнээ болон урсах
Насан багахан үеийн хонгор
Сүсэг бишрэлийн шүтээн болсон
Нартад ховорхон миний л хонгор.....................................Оюунанаа чамайгаа би ямар их..............................................2010.04.27.    23:06